Nos
Nos sun PlatThea, na rëi de pedagoghes y pedagogs teatrai di trëi lingac destenüda fora sön döt Südtirol. I un formaziuns y esperiënzes desvalies, i laurun te deplü ciamps te na varieté de tematiches y obietifs.
Deventé mëmber/ra o sostignidu/ëssa
Misciun
PlatThea – Plataforma Theaterpädagogik Alto Adige é na rëi por pedagoghes y pedagogs teatrai te Südtirol, che dilan y süa varieté y diversité dá segurëza y orientamënt.
La plataforma é n’isola dla creativité, olache al é lerch por cherié y fá nasce idees nöies te na manira lëdia y daverta.
Lí deplü
I mëmbri de PlatThea á i medemi obietifs y ai laora te na manira coletiva y en colaboraziun.
La pedagogia teatrala á n influs sön la cultura y ara é na pert importanta tla formaziun dla sozieté. Ara daida pro a fá crësce les competënzes soziales y insëgna da adoré les formes d’espresciun. Ara dá impulsc concrec y al vëgn lauré te na manira positiva danter la pedagogia y l’estetica.
Tla pedagogia teatrala paiun ia dala porsona cun sües capazités, debojëgns y dejiders. La pedagogia teatrala daida pro al svilup personal y chësc dilan a n laur fat cun respet dla porsona y alzan fora sües ressurses. La faziun dles metodes dla pedagogia teatrala vëigun dantadöt canche an laora sö tematiches atuales y sozialmënter importantes, olache al vëgn svilupé la perzeziun, l’empatia, le pinsier critich y le confrunt cun i atri.
Vignun é invié da lauré para y da daidé pro al svilup y al percurs dl grup. Al vëgn tut en conscidraziun idees y impulsc di mëmbri, che vëgn elaborá fora tl grup y che ciafa spo na forma estetica y vëgn presentá sciöche n laur de grup.
“Plü intensif che al vëgn fat teater, plü grana sará la faziun pedagogica.”